香港馬拉松紀錄保持者黃尹雋昨晚於社交平台發文，表示自己由三月底開始向田總諮詢有關奧運馬拉松外卡報名事宜，可惜一直未獲回覆，直至最近在馬拉松外卡截止報名當天才被告知，自己被認可為有效香港紀錄的成績為無效選拔成績。縱使不明當中邏輯，但仍然尊重田總決定，更直言總會定下規矩，要加入就只有服從。

黃尹雋發文表示，奧運馬拉松達標期截止日期將近，加上自己前兩星期肝酵素直上 3200 ，留醫兩星期的情況下，以成績達標已不太可能，所以就希望用另一途徑：外卡報名。由於今屆外卡項目只有 100m，800m 同馬拉松，如果一個地區沒有任何一個選手達標奧運，就可以派一個選手參加以上其中一個項目。

圖 / 黃尹雋提供

他進一步解釋，到目前為止，自己是香港暫時唯一一個運動員係達到田總上年年尾公佈的綜合運動會選拔標準 A 標。因此，他由三月底開始諮詢，可惜在馬拉松外卡截止報名當天才被告知：自己被認可為有效香港紀錄的成績為無效選拔成績。黃尹雋坦言，雖然不明白當中邏輯，但仍然尊重田總決定，所以冇追問點解，更直言：「總會定的規矩，要加入就只有服從！」

圖 / 黃尹雋提供

黃尹雋強調，假如是前幾年的自己，這一刻肯定只有唔開心同失望，因為以往時會以為運動員就只有奧運，但經過近年洗禮跟思考，認識更多運動員，對運動員呢個身份亦有咗唔同睇法。「其實全世界能夠去到奧運的運動員只係一小部份，剩下的人都係繼續默默耕耘，係唔同地方發光發熱，同時亦係佢地的工作，收入來源。」他進一步指出，一直都覺得香港做運動員同外國比有種講不出的違和感，感覺完全唔一樣，唔同項目亦都好容易互相比較，參與奧運先叫成功，否則就係失敗者。或者可能係大圍嘅環境令到好多人覺得做運動員只有奧運同追夢，唔係真正職業概念。

圖 / 黃尹雋提供

最後，他表示回顧這一刻，其實自己好開心愈來愈做到自己心目中的樣子。可以讓自己嘅興趣，成為自己工作，維持生活。「奧運仍然係自己其中一個目標，但佢只係其中一個里程碑。運動員唔應該只係得奧運，目標仲可以係國際田聯標牌比賽上頒獎台，又或者六大馬拉松去到前 8 名，又或者簡單點，將PB 有咁快推咁快。」